Sotciallıq qorǵawǵa mútáj ayrım qatlamdaǵı puqaralarǵa napaqa tayınlawǵa arzalar endi Mámleketlik xizmetler orayları arqalı qabıllanadı.
Ózbekstan Respublikası Ministrler Kábinetiniń 2021-jılı 28-aprelde 248-sanlı “Sotciallıq qorǵawǵa mútáj ayrım qatlamdaǵı puqaralarǵa napaqa tayınlaw boyınsha mámleketlik xızmetlerdi kórsetiwdiń hákimshilik reglamentin tastıyıqlaw haqqında”ǵı qararı qabıl etildi.
Qarar menen Sotciallıq qorǵawǵa mútáj ayırım qatlamdaǵı puqaralarǵa napaqa tayınlaw boyınsha mámleketlik xızmetlerdi kórsetiwdiń hákimshilik reglamenti tastıyıqlandı.
Socialliq qorǵawǵa mútáj qatlamdaǵı puqaralar tómendegiler esaplanadı:
- mayıplıǵı bolǵan 18 jasqa shekemgi balalar, OIV infekciyasına shalınǵan;
-18 jasqa deyingi shaxslar hám 18 jastan úlken balalıqtan mayıplıǵı bolǵan shaxslar;
- mámleketlik pensiyanı belgilew ushın zárúr bolǵan is stajına iye bolmaǵan shaxslar;
- balalıqtan mayıplıǵı bolǵan perzenti bar analar;
- jasına qaramastan is stajına iye bolmaǵan I hám II gruppa mayıplıǵı bolǵan shaxslar;
- mámleketlik pensiyanı alıw huqıqına iye bolmaǵan shaxs qarawında bolǵan shańaraqtıń miynetke uqıplı bolmaǵan aǵzaları.
Reglamentke muwapıq múráját etiwshi mámleketlik xızmetlerden paydalanıw ushın Mámleketlik xızmetler oraylarına ózi (jaqın aǵayınları, isenimli wákili hám qáwender yamasa ámenger) kelip yamasa mámleketlik xızmetlerinen elektron tárizde paydalanıw ushın BBIMXP (Birden-bir interaktiv mámleketlik xızmetler portalı) arqalı dizimnen ótken halda múráját etedi.
Múráját etiwshi ózi kelip múráját etkende, Mámleketlik xızmetler orayı xızmetkeri múráját etiwshiniń atınan, BBIMXP arqalı múráját etkende ǵárezsiz túrde reglament penen tastıyıqlanǵan formadaǵı sorawnamanı elektron tárizde toltıradı.
Múráját etiwshi Mámleketlik xızmetler orayına kelip múráját etkende, onıń sorawnaması Mámleketlik xızmetler orayı xızmetkeri tárepinen toltırılıp, múráját etiwshi tárepinen tastıyıqlanǵannan soń 5 minut dawamında, BBIMXP arqalı múráját etilgende avtomatikalıq tárizde wákillikli organǵa elektron túrde jiberiledi.
Wákillikli organ tárepinen múráját etken shaxstıń maǵlıwmatları úyrenilgennen keyin 5 minut dawamında napaqa tayınlaw yamasa napaqa tayınlawdan bas tartıw haqqında qarar qabıl etiledi hám bul haqqındaǵı maǵlıwmat tiyisli Mámleketlik xızmetler orayına yamasa BBIMXPna elektron tárizde jiberiledi. Napaqa tayınlawdan bas tartılǵanda maǵlıwmatnamada bas tartıw sebepleri kórsetiledi.
Tómendegiler mámleketlik xızmetlerdi kórsetiwden bas tartıw ushın tiykar esaplanadı:
- múráját etiwshiler tárepinen sorawnamada nadurıs maǵlıwmatlar kórsetiliwi;
- sorawnamada kórsetilgen maǵlıwmatlardı tastıyıqlawdan bas tartıw.
T.Jusipov
Taxtakópir rayonı
Mámleketlik xızmetler orayı bas qánigesi.
