Ayırım medicina xızmetkerlerine turaq jay satıp alıw ushın subsidiya beriw tártibi belgilendi.
Ózbekstan Respublikası Ministrler Kabinetiniń 2026-jıl 12-iyundaǵı 310-sanlı qararı menen "Mámleketlik medicina mekemelerinde keminde on bes jıl jumıs stajına iye bolǵan medicina hám farmacevtika xızmetkerlerin turaq jay menen támiyinlew ushın ipoteka krediti tiykarında satıp alınatuǵın turaq jaydıń dáslepki tóleminiń bir bólegin qaplap beriw tártibi haqqında"ǵı reje tastıyıqlandı.
Rejege bola, puqara dizimnen ótken aymaǵına qaramastan, qálegen aymaqtan subsidiya baǵdarlaması sheńberinde birlemshi turaq jay bazarınan turaq jaylardı ipoteka krediti tiykarında satıp alıwı múmkin.
Arza beriwshi subsidiya alıw ushın Mámleketlik xızmetler orayı yamasa BBIMXP (my.gov.uz) arqalı múrájat etiwi múmkin.
Arza beriwshini bahalawda tómendegiler tastıyıqlanıwı shárt esaplanadı:
- ámelde mámleketlik medicina mekemesinde xizmet kórsetip atirǵanlıǵı;
- mámleketlik medicina mekemelerinde keminde 15 jil is stajına iye ekenligi.
- Subsidiya 1 shańaraqqa (kúyewi yaki hayalına) tek 1 márte beriledi.
Tańlaw onlayn tárizde ótkeriledi.
Bunda kriteriyalarǵa tolıq sáykes keliwshi qatnasıwshılar arasınan hár sherek ushın belgilengen kvota sheńberinde 125 jeńimpaz avtomat túrde tańlaw imkaniyatın beriwshi veb-saytlar (random.org) arqalı anıqlap alınadı.
Subsidiya ajıratıw xabarnamasın alǵan jeńimpaz turaq jaydı ipoteka krediti arqalı satıp alıw boyınsha qurılıs (jumıstı bólip alıp islewshi) shólkemi menen dáslepki shártnama dúzedi.
Taxtakópir rayonı ádillik bólimi
Mámleketlik xızmetler orayı bólim baslıǵı
M.Allambergenov
