Úsh jıldan artıq waqıttan berli iskerlik kórsetpegen isbilermenlik subektleri ápiwayılastırılǵan tártipte mámleketlik reestrinen shiǵarıladı.
Ózbekstan Respublikası Ministrler Kábinetiniń 2021-jılı 14-iyulda 446-sanlı “Iskerlikti ámelge asırmay atırǵan isblilermenlik subektlerin ápiwayılastırılǵan tártipte mámleketlik reestrinen shıǵarıw haqqında”ǵı qararı qabıl etildi.
Usı qarar menen:
úsh jıldan artıq waqıttan berli iskerlik kórsetpegen, salıq qarızına iye bolmaǵan hám salıq qarızı 1 mln swmǵa shekem bolǵan isbilermenlik subektleri Ózbekstan Respublikası Mámleketlik salıq komiteti tárepinen usınılǵan dizimge tiykar Ádillik ministrligi janındaǵı Mámleketlik xızmetler agentligi tárepinen oraylasqan tártipte jeke qarar menen ápiwayılastırılǵan tártipte mámleketlik reestrinen shıǵarıladı.
Mámleketlik reestrinen shıǵarılıp atırǵan isbilermenlik subektleriniń kreditorları aldındaǵi májbúriyatları, onıń kreditorları ushın Ózbekstan Respublikası Salıq kodeksinıń 313- hám 315-statyalarına tiykar payda salıǵın esaplawda shegirip qalınatuǵın qarjılar esabına kiritiledi.
Sonday-aq, Ózbekstan Respublikası Mámleketlik salıq komitetine bir hápte múddette - úsh jıldan artıq waqıttan berli iskerlik kórsetpegen isbilermenlik subektleriniń dizimin qáliplestirgen halda ápiwayılastırılǵan tártipte mámleketlik reestrinen shıǵarıw ushın Ádillik ministrligi janındaǵı Mámleketlik xızmetler agentligine usiniw;
2021-jil 1-avgustina shekem – usı qararǵa muwapıq saplastırılıp atırǵan isbilermenlik subektleriniń bar bolǵan artıqsha tólemlerin belgilengen tártipte olardıń salıq qarızı esabına qaplanǵan halda berilgen daǵazalarǵa muwapıq qaytarıp beriw haqqında arzalar túspegen bólimi hámde qalǵan salıq qarızınıń qaplanbaǵan bólimin esaptan shıǵarıw;
Mámleketlik salıq komiteti, Bas prokuratura janındaǵı Májbúriy orınlaw byurosı eki hápte múddette yuridikalıq shaxslardıń esaptan shıǵarılǵan salıq qarızın óndiriwge qaratılǵan sud hújjetleri boyınsha is júritiwdi belgilengen tártipte juwmaqlaw hám bank esap betlerinde ámeldegi inkasso tapsırmaların orınlawsız qaytarıp alınıwın támiyinlew belgilep berildi.
Ádillik ministrligi janındaǵı Mámleketlik xizmetler agentligi Mámleketlik salıq komiteti tárepinen usınılǵan dizimge tiykar bir hápte múddette úsh jıldan artıq waqıttan berli iskerlik kórstpegen isbilermenlik subektleriniń saplastırılǵanlıǵı haqqında óziniń rásmiy veb-saytına daǵazalar jaylastırıp, 2021-jıl 20-avgustına shekem – usı qarar talaplarına tiykar Mámleketlik salıq komiteti tárepinen usınılǵan dizimge tiykar, yuridikaliq shaxslardı háreketsiz rejimge ótkermesten mámleketlik reestrinen shıǵaradı.
M.Allambergenov
Taxtakópir rayonı
Mámleketlik xızmetler orayı bólim baslıǵı.
