Үгит-нәсиятлаў жумыслары алып барылды.

Тахтакөпир районы прокуратурасы, Тахтакөпир районы Айрықша жағдайлар бөлими менен биргеликте район аймағында жайласқан көп қабатлы ҳәм жеке турақ жайлардағы хожалықлардың қазанқаналары көзден өткерилди ҳәм анықланған кемшиликлер сапластырылып, морыларын тазалаў, пуқаралар арасында гүз-қыс мәўсиминде жуз бериўи мумкин болған айрықша жағдайлардың алдын алыў бойынша үгит-нәсиятлаў жумыслары алып барылды.

Сондай-ақ, исши топар ағзалары район аймағындағы коммунал тараўда түнги диспетчерлик хызметиниң искерлигин үйренди.

Үйрениўлер даўамында шәртли рәўиште авариялық жағдай жүзеге келгенлиги бойынша қоңыраўлар әмелге асырылып, авариялық жағдайды сапластырыўшы хызметкерлердиң таярлығы көзден өткерилди ҳәм анықланған кемшиликлерди сапластырыў бойынша көрсетпелер берилди.

Тахтакөпир районы ҳәкимлигиниң мәлимлеме хызмети