SHOMÍLÍW QAǴÍYDASÍ–ÓMIR PAYDASÍ

Kúnniń ısıp barıwı nátiyjesinde adamlar salqın jerlerge talpına baslaydı. Bunday orınlardıń biri shomılıw orınları bolıp esaplanadı. 
Biraq adamlar shomılıw qaǵıydalarına ámel etpewi, suwdıń tez aǵıwı, suwdıń tereńligin esapqa almawı, júziwdi bilmewi, jas balalardı qarawsız qaldırıwı, «Qadaǵan» etilgen orınlarda shomılıwı nátiyjesinde shógiw menen baylanıslı baxıtsız hádiyseler tez-tez ushırasıp turadı.
Tómendegi jaǵdaylarda shomılıw qáwipli esaplandı:
-Sharshap turǵan bolsańız;
-deneńiz artıqsha qızıp turǵan bolsa;
-qarnıńız ash bolsa;
-shóllegen bolsańız;
-jaqın arada kesellikten emlengen bolsańız; 
-spirtli ishimlikler qabıl etken bolsańız.
Egerde shomılıw waqtında qol tamırlar tartılıp qalsa, alaqanıńızdı tez-tez ashıp-jumıp, qoldı mushlaw kerek, ayaq tamırlarıńız tartılıp qalsa, sol tartılǵan ayaǵıńızdıń tobıǵınan uslap arqa jelke tárepke áste tartıw kerek boladı.
Eger shógip atırǵan adamdı qutqarmaqshı bolsańız, shógip atırǵan adamnıń arqa tárepinen júzip barıp shashınan, qoltıǵınıń astınan uslap, júzin joqarıǵa qaratıp, ózińizdi uslap alıwına jol qoymaǵan halda sırtqa qaray júziw kerek.
Húrmetli puqaralar! Shomılıw qaǵıydalarına ámel etiń, jas balalardı qarawsız qaldırmań, shomılıw qadaǵan etilgen orınlarda shomılmań!

Taxtakópir rayonı Ayrıqsha jaǵdaylar bólimi