Ǵawasha maydanlarında "Áhmiyetli 40 kunlik" járiyalandı

Respublikamızdaǵı ǵawasha maydanlarında ushırasatuǵın qáwipli zıyankesler  hám jabayı shóplerge  qarsı gúresiw ilajların ámelge  asırıw maqsetinde Ózbekstan Respublikası awıl xojalıǵı ministrligi janındaǵı Ósimlikler karantini hám qorǵaw agentligi tárepinen “Áhmiyetli 40 kúnlik” járiyalandı.

Usı jıldıń 5-iyunınan 14-iyul aralıǵında dawam etetuǵın  ilajlar dawamında agroklasterler,  fermer-diyxan xojalıqları ǵawasha maydanlarında shira,  trips,  ǵorek qurti,  órmekshikene,  qandala kibi zıyankesler,  kesellikler hám jabayı shóplerge qarsı gúres alıp  barılıw,  hám fitosanitar dala qadaǵalawı hám fermerler dápteri júrgiziliwi qadaǵalawǵa alınadı.

????  Ǵawasha maydanların,  hár eki gektarında Ózbekstan Respublikasında isletiwge ruxsat etilgen  1 danadan feramon tutqısh onatılıwı kórsetilgen zıyankeslerge qarsı gúresiwde biologiyalıq ónimlerin óz múddetinde hám normasında qollanıw tolıq baqlawǵa alınadı. Ǵawasha maydanlarında zıyankeslerdiń kúshli tarqalıw oshaqların kúndelikli qadaǵalawǵa alıp barıw hám  ekonomikalıq zıyanlanıw muǵdarı (IZMM)dan asqan jaǵdayda ximiyalıq qarsı gúresiw jumısları ótkeriliwi belgilengen.

 Jer iyeleri,  joqarıda  keltirilgen zıyanlı organizmler sizge tiyisli bolǵan ǵawasha maydanlarında ushırassa tezlik penen qarsı agrotexnikalıq,  biologiyalıq hám ximiyalıq gúreslerin shólkemlestiriw tapsırılǵan.

Sımbat Esnazarova
Qaraqalpaqstan Respublikası Ósimlikler karantini hám qorǵaw agentligi Taxtakópir rayonı bólimi inspektorı