Korrupciya -qáwipli illet
Rawajlanıwdıń jańa basqıshına qádem qoyıp atırǵan Ózbekstan ushın korrupciyanıń hár qanday túrdegi kórinisi reformalardıń tezligin páseytiw menen qáwipli.
Sol sebepli mámleketimiz basshısı Shavkat Mirziyoev óz wákilligine kirisiwi menen Prezident retinde qol qoyǵan eń birinshi hújjet «Korrupciyaǵa qarsı gúresiw haqqında»ǵı Ózbekstan Respublikası nızamı boldı. Usı nızam normalarınıń nátiyjeli orınlanıwın támiyinlew jámiyet hám mámleket kelesheginiń barlıq tarawlarında korrupciyanıń aldın alıwǵa baylanıslı is rejelerdi óz waqtında hám sıpatlı ámelge asırıw máqsetinde Prezidenttiń 2017-jıl 2-fevraldaǵı qararı menen «2017-2018-jıllarǵa mólsherlengen korrupciyaǵa qarsı gúresiw mámleket dásturi» qabıl qılındı. Dástur sheńberinde bir qatar nızam joybarları islep shıǵıldı, bar bolǵanları inventarizaciyadan ótkerildi.
Ulıwma alǵanda sońǵı jıllarda qılınǵan isler nátiyjesi, puqaralardıń huqıqıy sanası ham huqıqıy mádeniyatın asırıwǵa, jamiyette korrupciyaǵa kelispew múnasibetin qáliplestiriwge baylanıslı sistemalı rejeler islengenin kórsetip turıptı.
Reformalardı ámelga asırıw barısında puqaralardıń huqıq hám máplerin qorǵaw, mámleket hákimiyatı hám basqarıw organları iskerliginiń ashıqlıǵı, jámiyet hám parlament baqlawın támiyinlew mexanizmleri qáliplestirildi, sonday–aq, nızamdı qorǵaw hám sud organları isleriniń nızamlı tiykarları islep shıǵıldı.
Korrupciyaǵa qarsı gúres dúnya júzinde búgingi kúnniń eń baslı máseleleriniń biri bolıp kelmekte. Bul illetke qarsı gúresiw dunyanıń kóplep mámleketlerin qamtıp almaqta. Ózbekstan Respublikası da korrupciyaǵa qarsı gúresiwde óz ulesin qosıp kelmekte. Házirgi waqıtta respublikamızda korrupciyaǵa qarsı gúres sheńberinde bir qatar dástúrler qabıl qılındı hám olar boyınsha bir qansha isler amelge asırılıp kelinbekte.
2019-jıl 9-yanvardaǵı Ózbekstan Respublikası prezidentiniń
5618-sanlı «Jámiyette puqaralardıń huqıqıy sanasın hám huqıqıy mádeniyatın túpten jetilistiriw haqqında»ǵı pármanı tiykarında respublikamızdıń barlıq orınlarında názerde tutılǵan basqa baslı máseleler qatarında korrupciyaǵa qarsı gúresiwde puqaralardıń huqıqıy sanası ham huqıqıy mádeniyatın asırıwǵa baylanıslı pikir alısıwlar ótkerilip kelinbekte.
Taxtakópir rayonı PHAJ bólimi xızmetkerleri tórepinen múrajaát etken hár bir puqara menen jaqsı múnasibette bolıp korrupciyanıń aldın alıw boyınsha túsindiriw jumısları alıp barılmaqta.
Puqaralar PHAJ bólimindegi paydalanǵan xızmetleri ushın tólemlerin ózleri elektron baylanıslar tárizinde gadjetlar hám mobil telefonları arqalı ámelge asırıp kelmekte. Bul álbette xızmetkerler ushın hámde puqaralar ushında júda qolaylı.
Biz PHAJ xızmetkerleriniń tiykarǵı wazıpasıda puqaralar ushın qolaylıq hám jeńillikler jaratıw bolıp esaplanadı.
B.Kojagulov
Taxtakópir rayonı PHAJ bólimi 1-dárejeli inspektorı
