Ózbekstan Respublikasında sınaw tárizinde xalıqtı dizimge alıw baslandı

Ózbekstan Respublikası Ministrler Kabinetiniń 2020-jıl 11-noyabrdegi “Ózbekstan Respublikasında 2023-jılda xalıqtı dizimge alıwǵa tayarlıq kóriw hám ótkeriw ilájları haqqında”ǵı 710-sanlı qararına tiykarlanıp,   usı jıldıń noyabr ayında Ózbekstan Respublikasında xalıqtı sınaw tárizinde dizimge alıw ilajı ótkeriledi. Yaǵnıy,   2021 jıl 1-25-noyabr kúnleri Ándijan wálayatınıń Xojaobod rayonı,   Tashkent wálayatınıń Joqarı Chirchiq rayonı,   Xorezm wálayatınıń Xiywa qalası hám  Tashkent qalasınıń Yashnobod rayonında ámelge asırılıwı belgilengen.
Sınaw tárizinde dizimge alıwdıń anıq waqtı 2021-jıl 1-noyabr saat 00:  00 etip belgilenedi. 2021-jıl 1-noyabr saat 00.00 den keyin júz bergen demografiyalıq jaǵdaylar nátiyjeleri dizimge alıw blankalarına kirgizilmeydi. Yaǵnıy 2021-jıl 1-noyabrden keyin tuwılǵan balalar ushın dizimge alıw blankaları hám basqa da dizimge alıw hújjetleri toldırılmaydi,   biraq bul sáneden keyin dúnyadan ótken shaxslar ushın toltırıladı. Bunda dúnyadan ótken shaxs haqqındaǵı maǵlıwmatlar onıń shańaraq aǵzaları yamasa máhálle shólkemindegi maǵlıwmatlar tiykarında toltırıladı.
Sınaw tárizinde xalıqtı dizimge alıw tómendegi múddetlerde ótkeriledi:  
1-5-noyabr kúnleri — internet tarmaǵı arqalı xalıqtı dizimge alıw (5 kún);  
6-10-noyabr kúnleri — internet tarmaǵı arqalı dizimnen ótken respondentler hám olardıń úy mánzilleri dizimin qáliplestiriw (5 kún);  
11-22-noyabr kúnleri — xalıqtı dizimge alıw blankaları tiykarında úyme-úy júrgen halda xalıqtı dizimge alıw (12 kún);  
23-25-noyabr kúnleri — hár bir esap uchastkasındaǵı turaq-jay mánzilleriniń 10 procentin tańlanba túrde qadaǵalaw gúzetiwi tiykarında úyreniw (3 kún).

Taxtakópir rayonlıq statistika bólimi