Nuranıylar bayramda ushırastı

Elimizde jańa demokratiyalıq mámleket, puqaralıq jámiyetin payda etiw jolında jıllar dawamında ámelge asırılǵan úlken wazıypalar, erisilqen joqarı nátiyjelerde túrli taraw hám tarmaqlarda pidákerlik penen miynet etip atırǵan jerleslerimizdiń aytarlıqtay úlesi bar. Olardıń ayırımları házir húrmetli dem alista - ǵarrılıqtıń baxıtlı dáwranın súrip atır. Mine, usınday nuranıylarǵa Тaxtakópir rayonında húrmet kórsetilip, olardı bayram qarsańında bir stol dógeregine jıynadı. Hár bir aymaqtaǵı puqaralar jıyını baslıqları menen olardıń nuranıyları ushın arnawlı bayram sawǵaları tapsırıldı. Kópshiligi dem alısta bolǵanı sebepli kópten kórispegen jası úlkenlerdiń sáwbetlerinen saǵınısh sezimlerin ańlaw qıyın emes. Eliń ushın qádirli hám kerekli bolıwday tuyǵını kewillerinde jámlegen jası úlkenler bir kese shay ústinde sáwbette bolıp, bayramnıń yoshlı qosıqlarınan tıńladı hám ózleri de oyınǵa tústi.

Taxtakópir rayonı hákimligi málimleme xızmeti