Kóshpes múlkti texnikaliq inventarizaciyadan ótkeriwdiń jańa tártibi mámlеketlik dizimnen ótkerildi
Kóshpes múlk obyektlerin dizimge alıw, olardıń texnikaliq sıpatlamaları hám orınlawshıliq hújjetlerin qáliplestiriw processi jańa qaǵıydalar tiykarında ámelge asırıladı. Ádillik ministrligi tárepinen “Kóshpes múlkti texnikaliq inventarizaciyadan ótkeriw tártibi haqqında”ǵı uyımlastırıwshı keńselik hújjet mámleketlik dizimnen ótkerildi (dizim sanı 3843, 02.06.2026 j.).
Jańa tártipke muwapıq, texnikaliq inventarizaciya kóshpes múlktiń haqıyqıy maydanı, quramı, texnikaliq sıpatlamaları hám ámeldegi jaǵdayın anıqlaw maqsetinde júrgiziledi. Bul proces aqibetinde múlktiń kadastr toplamı qáliplestiriledi.Mámleketlik kadastrlar palatasınıń injenerleri yamasa tiyisli mamanlıq sertifikatına iye bolǵan kadastr injenerleri tárepinen inventarizaciya jumısları ámelge asırıladı.
Belgilengen qaǵıydalarǵa kóre, texnikaliq inventarizaciya eki túrde ótkiriledi:
dáslepki inventarizaciya hám qayta inventarizaciya
Inventarizaciyadan ótkeriw processi tómendegi úsh basqıshta ámelge asırıladı:
1.Dáslepki kameral jumıslar
2.Dala jumısları (orınǵa shıqqan halda köshpes mülktiń ólshemlerin alıw, konstruktiv elementleri hám injenerlik-kommunikaciya tarmaqların úyreniw)
3.Dala jumıslarınan keyingi kameral jumıslar
Inventarizaciya juwmaqları boyınsha kóshpes múlktiń ulıwma maydanı, paydalı maydanı, kólemi hám basqa da tiykarǵı texnikaliq kórsetkishleri keskin anıqlıq penen belgiledi.
Sonımen birge, kóshpes múlktiń rejeleri zamanagóy talaplarǵa say túrde 1:50, 1:100, 1:150 yamasa 1:200 masshtablarda elektron formatta tayarlanadı.
Hújjette puqaralardıń hám isbilermenlerdiń huqıqların qorǵaw máselesi de qadaǵalap qoyılǵan. Atap aytqanda, texnikaliq inventarizaciya nátiyjelerinden narazı bolǵan shaxslar Kadastr agentligine yaki sudqa múrájat etiw huqıqına iye boladı.
Juwmaq ornında, jańa qabıl etilgen tártip kóshpes múlk hám jer uchastkalarına baylanıslı maǵlıwmatlardıń dalilligi hám anıqlıǵın támiyinlewge, sonday-aq kórsetiliwshi xızmetler sapasın jańa basqıshqa kóteriwge xızmet etedi.
K.Erjanov
Taxtakópir rayonı Ádillik bólimi Mámleketlik xızmetler orayı qániygesi
